වයසට ගැළපෙන අය පාර්ලිමේන්තුවේ නෑ රිතු විවාහය ගෙන කියන කතා

දවසේ වැඩි කාලයක් රිතූ ගතකරන්නේ set එකේද?

එහෙමමත් නැහැ. මේ දවස්වල ටිකක් විවේකෙන් ඉන්නේ. ඒ නිසා ජිම් එක පැත්තෙත් ගිහිල්ලා එනවා.

මොනවද අලූ‍ත් තොරතුරු?

විශේෂ වැඩක් භාරගත්තේ නැහැ. විවේකෙන් ඉන්නවා මේ ටිකේ.

ජනප්‍රිය නිළියක් වුණාම එහෙම විවේක ගන්න පුළුවන් ද?

පුළුවන්. මම රඟපාපු ටෙලිනාට්‍ය කීපයක් ඉදිරියේ විකාශය වෙන්න ‍පෝලිමේ තියෙනවා. ඒවා පෙන්වනකල් අලූ‍තින් වැඩ භාරගත්තේ නෑ.

ඔහොම විවේක අරගෙන ඊළඟ අවුරුද්දෙත් ජනප්‍රිය නිළිය සම්මානය නූලෙන් අහිමිවේවිද?

එහෙම වෙන එකක් නෑ. මොකද මේ අවුරුද්ද පුරා විකාශය වෙන්න කරපු වැඩ ගොඩක් එකතුවෙලා තියෙනවා.

රිතූ කියන්නේ උප්පැන්න සහතිකේ තියෙන නමමද?

ඔව්. ඇත්තම නම.

ජනප්‍රියත්වය එක්ක කටකතා හැදෙනවා නේද?

රංගන ශිල්පිනියක් කියන්නේ ඒ හැම දේටම ඔරොත්තු දෙන්න ඕන කෙනෙක්. හොඳ විතරක් නමෛයි නරක කටකතා පවා භාරගන්න වෙනවා.

කටකතා නිසා ගොඩයන අයත් ඉන්නවා නේද?

ඔව්. අපට ඉතිං විවිධ කටකතා හැදෙනවා. සමහරු ආරංචියක් ආපු ගමන් ඒවා හරිද වැරදිද කියලා නොහිතා පත්තරවල දානවා. මම ඉතින් අහන දේට විතරක් උත්තර දීලා ඒ කටකතා දිහා පැත්තකට වෙලා බලාගෙන ඉන්නවා.

එතකොට අර ”ඇමැතිතුමා” එක්ක සම්බන්ධයක් නැද්ද?

අයියෝ මම එයාව හරියට දන්නේවත් නැහැ. කොහෙවත් ඉන්න අසරණයෙකුට මාව සම්බන්ධ කරලා කතා පැතිරෙනවා.

වාහනය හැප්පුණු වෙලාවේ රිතූ පළමු කෝල් එක දුන්නේ ඒ ඇමැතිතුමාට කියලයි අපට ආරංචි?

පාර්ලිමේන්තු පාරෙදි මගේ වාහනේ හැප්පුණේ මහ රෑ දෙකට. එයා කසාද බැඳපු මනුස්සයෙක්. මම කොහොමද අනේ රෑ දෙකට එයාට කෝල් දෙන්නේ.

එතකොට ඒ කෝල් දීපු කතාව බොරු?

අයියෝ මට හිනායනවා මේවට. ඒ ඇමැතිතුමා ළමයි දෙන්නෙක් ඉන්න තාත්තා කෙනෙක්. ඇමැතිකෙනෙක් වුණත් මට පවුලක් කඩලා මනුස්සයෙක් අල්ලගන්න කිසිම වුවමනාවක් නෑ.

මේ රිතූ තාම එතැනට වැටිලා නෑ. තාම මට ”කොල්ලෙක්” හොයාගන්න පුළුවන්කම තියෙනවා.

ඇමැතිතුමාව කොහෙදිද අඳුනගත්තෙ?

එකම වතාවයි අපි දෙන්නා මුණගැහිලා තියෙන්නේ. ඒ ටීවී වැඩසටහනකදී එදා හමුවෙලා අඳුනගෙන ගෙදර ගියා. එච්චරයි.

එතකොට එච්චරයි නේද?

එච්චරයි.

දැන් මේ කටකතාව ගැන ඇමැතිතුමා දැනුවත්ද?

ඔව්. එයාට මේ කතාව ආරංචි වෙලා මට කෝල් එකක් ගත්තා. ”නංගි මොකක්ද අර අපි දෙන්නා ගැන යන කතාව” කියලා මගෙන් ඇහුවා. එයාට ඉතිං මඩ ගහන්නනෙ කට්ටිය බලාගෙන ඉන්නේ. ඒ නිසා මම කීවා ඒ කතාව කොහොම පැතිරුණාද කියලා මමවත් දන්නේ නෑ කියලා.

ඇමැතිකෙනෙක්ගෙන් මංගල යෝජනාවක් ආවොත් රිතූට අකැමැතිවෙන්න හේතුවක් තියෙනවද?

මගෙ වයසට ගැළපෙන ඇමැතිලා අපේ පාර්ලිමේන්තුවේ නෑ.

එතකොට ”එයා”?
එයත් වයසයිනේ

නළුවෙක් වගේ කෙනෙක් යෝජනාවක් ගෙනාවොත්?

නළුවො මට බෝයි ෆ්රෙන්ඩ්ස්ලා වගේ පේන්නෙ නෑ. සහෝදරයෝ වගේ. මූණ දිහා බලාගෙන දෙබස් කිව්වට ආදරේ හිතෙන්නේ නෑ.

ඇමැතිකෙනෙකුත්, නළුවෙකුත් නමෛයි නම් එයා කවුද?

මමත් කැමතියි මට දැන් බෝයි ෆ්රෙන්ඩ් කෙනෙක් හම්බවෙනවා නම්. තනියම හිටියා ඇති වගේ. ඒත් මට හම්බවෙන්නේ මොන ක්ෂේත්‍රයේ කෙනෙක්ද කියන්න තාම මං දන්නේ නෑ.

තව අවුරුදු පහකින් රිතූ කොතැන ඉඳීවිද?

කසාද බැඳලා ඉඳීවි. රඟපාවිද නැද්ද කියන්න නම් දන්නේ නෑ. මොකද ඒ කාලෙට තනි තීරණ ගන්න බැරිවේවිනේ.

හරි දැන් ඇමැතිතුමා ගැන මොකක්ද අන්තිමට හිතෙන්නෙ?

ඇමැතිතුමා පව්